عدالتی عملہ کی چالبازیاں اور لوٹ مار

By
اپنے رب سے ڈرو اور اس دن کا خوف کروجس میں کوئی باپ اپنے بچے کے کام نہ آئے گا اور نہ کوئی قابل بچہ اپنے باپ کو کچھ نفع دے گا۔سورۃ ۳۱ لقمٰن آیت۳۳
عدالتی عملہ کی چالبازیاں اور لوٹ مار
  عدالتی سٹاف کی لوٹ مار کو سمجھنے کیلئے اِن کے فرائض کو سمجھنا ضروری ہے۔ ایک جج کے ساتھ چھ لوگ کام کرتے ہیں، ریڈر، سٹینو گرافر، نائب کورٹ ، سرکاری وکیل، نائب قاصد اور اہلمد۔ ان افراد کے ذمہ مختلف طرح کے فرائض ہوتے ہیں۔ سٹینو گرافر اور ریڈر جج کے دائیں بائیں بیٹھتے ہیں، ریڈر عدالت میں زیرِ سماعت مقدمات کی لسٹ کے مطابق نائب قاصد کے ذریعے کیس کی آواز دلواتا ہے اور جس کیس کی آواز ہو اس کیس کی فائل جج صاحب کو دیتا ہے۔ (بعض کیسوں میں ریڈر جج صاحب کی ہدائت کے مطابق تاریخ ڈال کر فریقین کو آگاہ کر دیتا ہے)۔جج صاحب فریقین کو سن کر یا فریقین کی عدم موجودگی کی صورت حرام کا ایک لقمہ چھوڑنا دو سو رکعت نفل پڑھنے سے زیادہ پسندیدہ ہے
میں بھی جو حکم مناسب سمجھیں سٹینو کو لکھوا دیتے ہیںجو اسے ٹائپ کر دیتا ہے۔ اور جج صاحب اس پر دستخط کر دیتے ہیں۔ سول مقدمات کی سماعت کے دوران سرکاری وکیل کا کوئی کردار نہیں ہوتا (کئی دفع دیکھا ہے کہ ماہرین سول مقدمات میں بھی سرکاری وکیل کے نام پر رشوت لے کر کھا جاتے ہیں) فوجداری مقدمات میں سرکاری وکیل استغاثہ کی طرف سے پیش ہوتا ہے اور جرم ثابت کرنے کی کوشش کرتا ہے۔ سرکاری وکیل کی طرح نائب کورٹ بھی صرف فوجداری مقدمات کی سماعت کے دوران عدالت میں کام کرتا ہے۔ نائب کورٹ ایک کانسٹیبل (سپاہی) ہوتا ہے جو تھانہ جات اور پولیس ملازمین سے متعلق عدالت کے احکامات بجا لاتا ہے یعنی تھانہ سے زیرِ سماعت مقدمات کا ریکارڈ منگوانا، محکمہ پولیس سے کوئی دستاویز منگوانا، کسی پولیس ملازم تک عدالت کا حکم پہنچانا، فوجداری مقدمات سے متعلق فریقین اور گواہان تک بذریعہ متعلقہ تھانہ عدالت کے احکامات پہنچانا۔عدالت کے حکم پر کسی شخص کو حوالات لے جانا وغیرہ۔  عدالتی حکمنامے اہلمد تیار کر کے جج صاحب کے دستخط کروا کے نائب کورٹ کو دیتا ہے۔ اہلمد کو ہم عدالتی کلرک بھی کہہ سکتے ہیں۔ اس کے پاس اپنی عدالت کے تمام کیسوں کی فائلیں ہوتی ہیں۔ اہلمد کا کام روز کے زیرِ سماعت مقدمات کی لسٹ ایک دن قبل تیار کرنا۔ نئے کیسوں کی فائلوں کو رجسٹر میں درج کر کے ریڈر کے سپرد کرنا، تمام زیر سماعت مقدمات کی فائلوں کو تاریخوں کے حساب سے ترتیب دینا تا کہ مقررہ تاریخ پر عدالت میں پیش کرنے میں دقت نہ ہو، تمام کیسوں کے آرڈر پڑھ کر متعلقہ اشخاص یا محکموں کے نام عدالتی حکمنامے تحریر کر کے جج صاحب سے دستخط کروا کر بھجوانا۔ ضمانت ناموں کا اندراج، اور ضامنوں کو عدالت میں پیش کرنا،
 عدالتی عملہ کوئی حکم جاری نہیں کر سکتا ، اور نہ ہی جج کو کسی معاملے میں مجبور یا قائل کر سکتا ہے۔فریقینِ مقدمہ اور ان کے سپورٹران کیلئے عدالتی عملہ اور ان کے کام کا طریقہ سمجھنا بھی ضروری ہے تا کہ ان کی چالاکیوں سے بچا جا سکے۔ متذکرہ بالا تمام ملازمین وہی کام کرتے ہیں جو ان کے ذمے لگائے جاتے ہیں اس سے زیادہ وہ عدالتی فیصلوں میں کسی طرح کا کوئی عمل دخل نہیں رکھتے۔ عام لوگوں کے ذہن میں ہوتا ہے کہ یہ ملازمین چونکہ جج صاحب کے ساتھ کام کرتے ہیں لہٰذایہ جج کے فیصلوں پر بھی اثر انداز ہو سکتے ہیں۔ لوگوں کی اسی غلط فہمی کا یہ ملازمین ناجائز فائدہ اٹھاتے ہیں اور ججوں کے نام پر لوٹ مار شروع کر دیتے ہیں۔

Comments

Post a Comment

Popular posts from this blog

مقدمہ کے مختلف مراحل و طریقہ کار

By
مقدمہ کے مختلف مراحل و طریقہ کار  مقدمہ بازی کیلئے میدان میں اُترے ہر شخص کیلئے ضروری ہے کہ وہ عدالتی دائو پیچ کے ساتھ ساتھ مقدمہ کے مختلف مراحل سے بھی آگاہ ہو،یعنی اُسے علم ہو کہ دورانِ سماعت میرا مقدمہ کن کن مراحل سے گذرے گا اور یوں وہ مطمئن ہو کر اپنے کیس کی پیروی کرتا رہے گا۔ یہ ایسے ہی ہے کہ ایک شخص نے کہیں جانا ہو اور اُسے پتا ہی نہ ہو کہ فاصلہ کتنا ہے اور روٹ کیا اختیار کرنا ہے تو وہ شخص جگہ جگہ سے راستہ پوچھے گا اور دورانِ سفر پریشان ہی رہے گا۔ اور اگر اُسے علم ہو کہ میرا سفر اتنے کلومیٹر ہے اور فلاں فلاں جگہ سے گذر کر میں منزل پر پہنچوں گا تو وہ اطمینان سے بغیر کسی پریشانی کے اپنا سفر جاری رکھ سکے گا۔  جیسا کہ شروع میں بتایا گیا ہے کہ مقدمات دو طرح کے ہوتے ہیں، ایک فوجداری اور دوسرے دیوانی۔فوجداری مقدمات ’’ضابطہ فوجداری‘‘ کے تحت سماعت کئے جاتے ہیں اور دیوانی مقدمات ’’ضابطہ دیوانی‘‘ کے تحت۔دونوں طرح کے کیسوں کی سماعت کا طریقہء کار مختصراً درج ذیل عنوانات کے تحت مذکور ہے۔ فوجداری مقدمات میں عدالتی طریقہءکار دیوانی مقدمات میں عدالتی طریقہء کار فوجداری مقدمات میں ...
Read more

ٹائوٹ (مدد گار یا خدائی خدمتگار)

By
Image
ٹائوٹ (مدد گار یا خدائی خدمتگار) جندھے نال وی واہ پیا اے  اوہ ای لاندا دا پیا اے یعنی جس سے بھی واسطہ پڑا ہے وہی لوٹ رہا ہے۔ پنجابی کا درج بالا شعر ٹائوٹوں پر بالکل صادق آتا ہے ٹائوٹ ایک ایسا شخص ہوتا ہے جو کسی شخص کو کسی تیسرے شخص سے کوئی چیز خریدنے پر آمادہ کرے یا کسی ماہر کی خدمات حاصل کرنے کیلئے تیار کرے، مثال کے طور پر آپ نے وائرنگ کا سامان خریدنا ہے اور کوئی شخص آپ سے کہتا ہے کہ فلاں دوکان سے خریدیں، وہاں سے سستا اور بہتر ملتا ہے اور در حقیقت اُس نے دوکاندار کے ساتھ گاہک بھیجنے کا معاوضہ طے کر رکھا ہوتا ہے، اب یہ شخص جو آپ کو کسی مخصوص دوکان پر بھیج رہا ہے یہ ٹائوٹ ہے ۔ اسی طرح لوگ ڈاکٹروں کیلئے بھی ٹائوٹی کرتے ہیں کہ ان کے پاس مریض بھجوا کر اپنا حصہ وصول کرتے ہیں۔ ٹائوٹ وکیلوں کے پاس بھی شکار گھیر کر لاتے ہیں لیکن یہ بات بھی ضروری نہیں کہ اگر کوئی دوست آپ کو کسی وکیل کا ریفرنس دے رہا ہے تو وہ ٹائوٹ ہی ہو۔ یہاں چونکہ عدالتی معاملات زیرِ بحث ہیں لہٰذا ہم اُن ٹائوٹوں کا ذکر کریں گے جوتھانہ اور عدالت میں لوٹ مار کرتے ہیں۔  ہمارے ملک کے دیگر شعبوں کی طرح ت...
Read more

تعارف

By
Image
 مقدمہ بازی میں مصروف یا مقدمہ بازی کیلئے پر تول رہے دوستوں کی رہنمائی کی غرض سے یہاں کچھ اقدامات تجویز کیے گئے ہیں جن پر عمل کرنے سے امکان ہے کہ وہ عدالتی بھول بھلیوں میں بھٹکنے سے بچ جائیں گے اور انصاف تک پہنچنے میں ہونے والی تاخیر کم ہو سکے گی۔ اس کے ساتھ ہی عدالتوں میں لوٹ مار کرنے والے لوگوں (وکیل، منشی، عدالتی عملہ، ٹاؤٹ) کے طریقہء واردات پر بھی روشنی ڈالی گئی ہے اور سب سے اہم موضوع ”مقدمہ بازی سے بچا کیسے جائے“ پر ایک تفصیلی مضمون ہے۔  مزید یہاں کچھ احتیاطی تدابیر بھی بیان کی گئی ہیں کہ اگر عدالت کی راہ کسی کیلئے ناگزیر ہی ہوجائے تو اسے کس تیاری کے ساتھ عدالت جانا چاہیے۔ اِن صفحات میں عدالتی مسائل پر بحث کرکے اِن کا حل تجویز کرنے کی کوشش کی گئی ہے۔ ساتھ ہی عدالتی معاملات اور وکالت کے حوالے سے کچھ حقائق کو سامنے لانے کی کوشش کی گئی ہے، جو بہت تکلیف دہ اور انتہائی افسوسناک ہیں مگر ان کو زیرِبحث لائے بغیر چارہ بھی نہیں کہ عوام الناس ان باتوں سے لاعلم ہونے کی وجہ سے ایک مستقل عذاب میں مبتلا ہیں۔ یہاں تحریر الفاظ سے کسی کی دل آزاری مقصود نہیں، اس کاوش کا نیک نیتی کے س...
Read more